Charter Document - 05620507
| Charter Number: | 05620507 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Surrender |
| Date: | 1264 |
| Date type: | Assigned |
| Resource Link(s): |
|
Charter:
[S]ciant presentes et futuri quod ego Ranulphus prior de Alvingham et eiusdem loci conventus dimisimus concessimus et hac presenti carta nostra confirmavimus Roberto fabro de Cok et heredibus suis unum toftum cum edificiis et cum omnibus pertinentiis suis in villa de Cok illud scilicet toftum quod Ricardus de Ierdeburg quondam tenuit et iacet proximo inter terram abuttantem versus orientem super terram Iohannis filii Hamelini et versus occidentem super terram Roberti filii Haconis habendum et tenendum dicto Roberto et heredibus suis de nobis et successoribus nostris predictum toftum cum pertinentiis libere quiete plenaria et integre inperpetuum reddendo inde annuatim nobis et successoribus nostris tres solidos argenti ad duos anni terminos videlicet ad festum sancti Michaelis decem et octo denarios et ad Pascha decem et octo denarios pro omnibus secularibus servitiis exactionibus rebus et demandis Et sciendum est quod non licebit dicto Roberto vel heredibus suis dictum toftum a nobis alienare seu aliter vendere vel invadiare sine nostro assensu et voluntate Et ego predictus Ranulphus prior de Alvingham et eiusdem loci conventus et successores nostri warantizabimus defendemus et de omnibus acquietabimus predictum toftum et croftum cum edificiis predicto Roberto et heredibus suis pro predicto servitio sicut prenominatum est contra omnes homines inperpetuum In huius rei testimonium huic presenti scripto sigillum nostrum apposuimus Hiis testibus []
Source (click image below to view full size)
