Charter Document - 05610487
| Charter Number: | 05610487 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1200 |
| Date type: | Assigned |
| Resource Link(s): |
|
Charter:
Idem Gilbertus confirmat et quiete clamat nobis donationem et quietam clamationem quam Iuliana uxor sua per voluntatem et concessionem sua nobis fecit [S]ciant universi Cristi fideles presentes et futuri quod ego Gilbertus de Well pietatis et caritatis intuitu concessi et hac mea presenti carta confirmavi Deo et beate Marie et conventui de Alvingh in puram et perpetuam elemosinam liberam et quietam ab omni seculari servitio et terrena exactione gratam et ratam hanc donationem et quietam clamationem quam Iuliana filia Roberti de Otteby uxor mea per voluntatem et concessionem meam fecit Deo et beate Marie et prefato conventui cum corpore suo antequam susciperet habitum monialis scilicet de uno tofto et una bovata terre arabilis cum pertinentiis suis quam Willelmus filius Alvredi tenuit in territorio de Cok et de ipso eodem Willelmo et tota sequela sua cum omnibus catallis suis in quibus ego Gilbertus ad petitionem dicte Iuliane et in presentia eius vestivi et in plenam saisinam misi priorem et conventum prefate domus Et eundem Willelmum predictum cum tota sequela sua ego simul cum prefata Iuliana uxore mea coram amicis et hominibus nostris manumisimus in manus prefatorum prioris et conventus de Al Hec autem omnia predicta ego Gilbertus et Iuliana uxor mea et heredes nostri warantizabimus prefato conventui inperpetuum Hiis testibus
Source (click image below to view full size)
