Charter Document - 05610461
| Charter Number: | 05610461 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Release, Quitclaim |
| Date: | 1213 - 1229 |
| Date type: | Assigned |
| Resource Link(s): |
|
Charter:
[S]ciant universi Cristi fideles presentes et futuri quod ego Robertus Scot de Lincoln et Alicia uxor mea filia Mirulde de Cokerint nostro unanimi assensu et consensu concessimus et remisimus et hac presenti carta nostra confirmavimus et de nobis et de heredibus nostris quietum clamavimus Deo et beate Marie et conventui de Alvingham in puram et perpetuam elemosinam illorum xij denariorum redditus quos idem conventus solebat annuatim nobis reddere ad festum sancti Michaelis pro tota terra que fuit Iocelini quondam cognomento Reginaldi prepositi in Cokerint Et nos scilicet predicti Robertus et Alicia hanc concessionem nostram et quietam clamationem predictorum xij denariorum firmiter tenendam et inperpetuum predicto conventui contra omnes homines warantizandam tam pro nobis quam pro heredibus nostris in manu Radulfi sacerdotis affidavimus insuper etiam tactis sancrosanctis evangeliis in ecclesia beate Marie de Cokerint parochianis eiusdem ecclesie presentibus sollempniter iuravimus fideliter idem nos et heredes nostros observaturos inperpetuum Hiis testibus []
Source (click image below to view full size)
