Charter Document - 05610455
| Charter Number: | 05610455 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1225 - 1264 |
| Date type: | Assigned |
| Resource Link(s): |
|
Charter:
[O]mnibus Cristi fidelibus tam presentibus quam futuris Stephanus filius Petri de Yreford salutem Noverit universitas vestra me divine caritatis intuitu et tam pro salute anime mee quam pro salute animarum omnium antecessorum et successorum meorum concessisse dedisse et quietum clamasse de me et de omnibus heredibus meis Deo et beate Marie et conventui de Alvingham in puram et perpetuam elemosinam cum corpore meo annuum redditum viginti solidorum quos idem conventus mihi annuatim reddere solebat pro una bovata terre et cum tofto et cum ceteris pertinentiis quam Pigotus avus meus aliquando tenuit in territorio de Cokerint de feudo Willelmi de Fristona et quam habent de dono Petri patris mei et Gunnilde matris mee nec non et ex mea confirmatione Et ego predictus Stephanus et heredes mei warantizabimus acquietabimus et defendemus dictum annuum redditum viginti solidorum dictis priori et conventui contra omnes homines inperpetuum Et ad istam donationem et confirmationem corroborandam ego dictus Stephanus sigilli mei appositione presens scriptum corroboravi Hiis testibus []
Source (click image below to view full size)
