Charter Document - 05610451

Charter Document - 05610451


Charter Number: 05610451
Cartulary Title: An Edition of the Cartulary of Alvingham Priory
Charter Language: Latin
Charter Origin: Lay
Charter Type(s): Exchange
Date: 1200 - 1264
Date type: Assigned
Resource Link(s):

Charter:

[O]mnibus hominibus has litteras visuris vel audituris Iohannes filius Willelmi de Cokerint salutem Noverit universitas vestra me dedisse concessisse et hac presenti carta mea confirmasse Willelmo filio Willelmi de Redburna et heredibus suis unum sellionem terre arabilis cum pertinentiis in Cokerint ex orientali parte eiusdem ville iacentem inter terras suas ex utraque parte et abuttat versus north super Gocelingate quem quidem sellionem Willelmus Longus quondam tenuit in escambio pro uno sellione ex eadem parte dicte ville iacente inter terram meam ex orientali parte et terram monialium de Alvingham ex occidentali parte et abuttat versus north super Toftsic tenendum et habendum sibi et heredibus suis de me et de heredibus meis libere et quiete integre bene et in pace Et ego Iohannes et heredes mei warantizabimus predicto Willelmo et heredibus suis totum predictum sellionem cum pertinentiis sicut prenominatum est et de omnibus pro predicto escambio contra omnes homines inperpetuum acquietabimus Hiis testibus []

Source (click image below to view full size)