Charter Document - 05610415

[A]nno ab incarnatione domini MCCLX ad Natale domini facta fuit hec conventio inter priorem et conventum de Alvingham ex una parte et Willelmum de Reddeburn manentem in Cokerint ex altera videlicet quod idem Willelmus concessit dedit et carta sua confirmavit dictis priori et conventui de Alvingham in liberam puram et perpetuam elemosinam totum capitale messuagium suum in Cok cum crofto gardino edificiis et cum omnibus pertinentiis suis et totam terram quam habuit in territorio de Cok cum omnibus pertinentiis suis prout carta quam inde habent plenius testatur sine aliquo rete[ne]mento habenda et tenenda eisdem priori et conventui in liberam puram et perpetuam elemosinam inperpetuum Et idem Willelmus et heredes sui dictum mesuagium cum crofto gardino edificiis cum terra prenominata et cum omnibus pertinentiis suis sicut predictum est memoratis priori et conventui contra omnes homines warantizabunt defendent et acquietabunt Et sepe dicti prior et conventus singulis annis solvent dicto Willelmus quoad vixerit ix quartario frumenti competentis qualis liberatur ad panem conventus domus eiusdem videlicet ad festum sancti Michaelis tria quartario ad Natale domini infra quindena ij quartario infra quindena Pasche ij quartario et infra quindena post festum sancti Iohannis Baptiste ij quartario Et v quartario ordei competentis infra quindena post festum sancti Michaelis et dicti quartario farine avene qualis liberatur ad conventum predictum ad eundem terminum et iiij carcos multone ad festum sancti Martini preter cuilibet viij denarios et unam bussellum pisarum et duas petras casei in adventu domini et unam fraellam allecium in quadrigiis competentis et unam carucatam feni ad natale beate Marie et unam carucatam turbarum ad Pentecostes et x solidos argenti ad unam robam emendam ad festum sancti Botulphi singulis annis quoad vixerit et domum competentem eidem ad inhabitandam sumptibus domus predicte de Alvingham reparare facient et invenient quamdiu vixerit ita quod si predicti prior et conventus pro defectu warantizationis defensionis vel acquietationis predicti Willelmi predicti capitalis mesuagii cum crofto gardino terra cum pertinentiis suis aliquod dampnum iacturum vel gravamen incurrerint expensas vel viatica fecerint seu dictum mesuagium cum pertinentiis vel dictam terram vel aliqua eius partem per aliquod placitum per eiusdem Willelmi defectum amiserunt liceat ex tunc eisdem priori et conventui in solutione promissorum sicut equum et iustum fuerit in toto vel in parte cessare donec eisdem priori et conventui per eundem Willelmum vel suos super premissis in solidis secundum estimationem legalium virorum plenius fuerit satisfactum concesserunt etiam idem prior et conventus tam pro se quam pro suis successoribus dicto Willelmus et eundem licentiaverunt quod quotiens contigerit quod solutione promissorum vel in aliqua eorum parte quocumque termino fuit cessatum nisi ex causa predicta ex tunc possit totum feodum in scripto suo continentum pro voluntate sua distringere quousque sibi de areragiis sufficienter fuerit satisfactum Ad hoc autem omnia et singula subscripta fideliter sine fraude et dolo observanda fidei religione prestitam huic scripto in modum cyrograffi confecto signa sua alternatim sunt appensa Hiis testibus []