Charter Document - 05610414
| Charter Number: | 05610414 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1225 - 1260 |
| Date type: | Assigned |
| Resource Link(s): |
|
Charter:
[O]mnibus sancte matris ecclesie filiis presens scriptum visuris vel audituris Willelmus filius Willelmi de Redburn salutem Noverit universitas vestra me de voluntate et assensu Sibille uxoris mee concessisse dedisse et hac presenti carta mea confirmasse Deo et beate Marie et conventui de Alvingham in liberam puram et perpetuam elemosinam quoddam messuagium cum crofto adiacente quod fuit Rogeri Layrbarn in territorio de Cokerint cum fossatis et omnibus aliis pertinentiis suis et septem acras terre in eadem villa videlicet viginti quatuor selliones cum fossatis et omnibus pertinentiis suis iacentes in quodam crofto qui dicitur Dilvecroft et iacent inter terram quam Walterus filius Osberti tenet de domina Nicholao de Saintemarie et terram quam Lambertus le Curteys tenet et abuttant ad caput aquilonale super regiam viam et ad caput australe super terram dicte domine Nicholao quam Osbertus filius Osberti tenet tenenda et habenda de me et heredibus meis vel assignatis dicto conventui libere et quiete a secta curie et omni seculari servitio et terrena exactione Et ego predictus Willelmus et heredes mei vel assignati warantizabimus et defendemus predictum messuagium cum crofto adiacente et septem acris terre cum omnibus pertinentiis suis predicto conventui contra regem et dominos feodi et contra omnes homines et de omnibus acquietabimus inperpetuum In cuius rei testimonium presenti scripto sigillum meum apposui Hiis testibus []
Source (click image below to view full size)
