Charter Document - 05610395
| Charter Number: | 05610395 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1220 - 1240 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Alicia de Nevill de Cokerint quondam uxor Willelmi de Redburn salutem in domino Noveritis me in libera viduitate mea concessisse dedisse et hac presenti carta mea confirmasse pro salute anime mee et omnium antecessorum meorum Deo et beate Marie et conventui de Alvingham sex selliones et unam foreriam terre arabilis in territorio de Cokerint in crofto scilicet quod vocatur Est Langes et iacent inter croftum domine Constantine de Aysterby ex aquilonari parte et terram dicti conventus quorum capita orientalia abuttant super Neucroftdic et duas acras prati cum pertinentiis suis in pratis de Germetorp quorum capita australia abuttant super Sandwad et capita aquilonaris super Gaterumsike et iacent inter pratum Hathwise filie Roberti Prendergest et fossatum de Germetorp ad habenda et tenenda libere et quiete pacifice et integre cum omnibus pertinentiis suis libertatibus et aisiamentis in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius teneri vel possideri potest a viris religiosis Has vero predictas terras cum omnibus pertinentiis suis ego predicta Alicia de Nevill et heredes mei warantizabimus predicto conventui defendemus et de omnibus rebus demandis et calumpniis acquietabimus erga omnes homines inperpetuum Et in huius rei testimonium presens scriptum sigilli mei inpressione corroboravi Hiis testibus []
Source (click image below to view full size)
