Charter Document - 05610390
| Charter Number: | 05610390 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1240 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Alicia de Nevill de Cokerint salutem Noveritis me in libera viduitate et legia potestate mea pro salute anime mee et heredum et omnium antecessorum meorum voluntate et assensu Willelmi filii mei et heredis concessisse dedisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam solutam et quietam ab omni seculari servitio et terrena exactione tres acras prati iacentes in pratis de Cokerint scilicet in Huttecroft apud Toftes inter baroniam de Scoteneya et pratum monachorum de Parco Lude et abuttant versus orientem super pratum predicti conventus de Alvingham et versus occidentem super pratum meum Et ego Alicia et heredes mei predictas tres acras prati cum pertinentiis suis predicto conventui in puram et perpetuam elemosinam warantizabimus defendemus et de omnibus contra omnes acquietabimus inperpetuum Et in huius rei testimonium presens scriptum sigillo meo una cum sigillo Willelmi filii mei et heredis corroboratur Hiis testibus []
Source (click image below to view full size)
