Charter Document - 05610388
| Charter Number: | 05610388 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Gift |
| Date: | 1200 - 1240 |
| Date type: | Assigned |
| Resource Link(s): |
|
Charter:
[C]unctis Cristi fidelibus presentibus et futuris Alicia de Nevilla de Cokerint salutem Noveritis me in libera viduitate et legia potestate mea pro salute anime mee et heredum et omnium antecessorum meorum voluntate et assensu Willelmi filii mei et heredis concessisse et dedisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam solutam et quietam ab omni seculari servitio et terrena exactione unam daylam prati in pratis de Cokerint scilicet in Medelcroft et in Huttcroft quam Galfridus filius Amfridi aliquando tenuit in qua continentur tres acre inter pratum monachorum de Parco Lude versus meridiem et pratum Iohannis le Vavasur versus aquilonem et abuttat versus orientem super dailam predicti conventus de Alvingham que vocatur Wrangdail et versus occidentem super pratum Iohannis le Vavasur Et ego Alicia et heredes mei predictam dailam cum omnibus pertinentiis predicto conventui in puram et perpetuam elemosinam warantizabimus et defendemus et de omnibus contra omnes acquietabimus inperpetuum Et in huius rei testimonium presens scriptum sigillo meo una cum sigillo Willelmi filii mei et heredis corroboratur Hiis testibus []
Source (click image below to view full size)
