Charter Document - 05610357
| Charter Number: | 05610357 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Agreement |
| Date: | 1256 |
| Date type: | Internal, A.D. |
| Resource Link(s): |
|
Charter:
Anno gratie MCCL sexto factum est istud escambium inter dominam Nicholoam de sancta Maria ex una parte et priorem et conventum de Alvingham ex altera videlicet quod dicta domina Nicholoa in libera viduitate sua dedit dictis priori et conventui in escambium omne pratum et fundum quod Willelmus filius Radulfi et Robertus dictus Modi tunc tenuerunt de dicta domina Nicholoa in Westfen iuxta calcetum quod dicitur Langebrige propter unam acram et duas falles prati iacentes in eodem Westfen ex aquilonali parte fossati quod in medio Westfen se extendit a calceto predicto usque ad occidentalem partem eiusdem Westfen inter pratum dicti conventus et pratum Ade de capella ita quod illud fossatum quod se extendit de parvo molendino usque ad Langebrige quod dicitur insolling remanebit dictis priori et conventui in pace quietum et omnia alia fossata que dicuntur insollinges in Westfen et Boifen remanebunt in communa a festo sancti Michaelis usque ad medium Martium Et sciendum est quod dicta domina Nicholoa et heredes sui habebunt singulis annis inperpetuum liberam communam cum libero introitu et exitu in predicto Westfen in clausum predictorum prioris et conventus excepto prescripto insolling cum averiis hominum suorum in Alvingham commanentibus scilicet a festo sancti Michaelis usque ad medium Martium sine inpedimento dictorum prioris et conventus Eodem autem modo et sub eadem forma dicti prior et conventus in prato domine Nicholoa dicte in escambium dato communicabunt a medio vero Martio usque ad festum sancti Michaelis illa pars quam dicti prior et conventus receperunt in escambium remanebit eisdem in pace sine aliter communione Pars autem quam domina Nicholoa vel homines sui tenent escambium eisdem temporibus et eodem modo dicte domine Nicholoa et heredibus suis ad opus hominum suorum successive in Alvingham com mansurarum in defenso remanebit et ille pons qui iacet a calceto de Langebrig usque in Boifen remanebit in pace ita quod predicti prior et conventus facient predictum pontem et rationabiliter sustentabunt ne predicti domina Nicholoa et heredes sui vel homines sui de Alvingham pro defectu reparationis illius pontis dampnum incurrant et ita dicta domina Nicholoa et heredes sui et homines sui de Alvingham habeant liberum introitum et exitum et transitum sine aliqua perturbatione dictorum prioris et conventus per eundem pontem ad fena sua carianda et ad averia sua fuganda ad pasturam illam Ut autem hec omnia rata permaneant inperpetuum et debita stabilitate firmata altera pars scriptum alterius partis signi sui inpressione corroboravit Hiis testibus []
Source (click image below to view full size)
