Charter Document - 05610351

[C]unctis Cristi fidelibus presentibus et futuris Alicia Haket filia Willelmi de Fristona quondam sponsa Jordani de sancta Maria salutem in Domino Noverit universitas vestra me in libera viduitate mea pro salute anime mee et omnium antecessorum meorum concessisse dedisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam tres acras prati iacentes in Graflet in territorio de Cokerint et duas acras et dimidiam terre arabilis ex aquilonali parte grangie sue de Haintoftes scilicet quicquid Reginaldus prepositus aliquando ibi tenuit et unam portiunculam terre ex orientali parte eiusdem grangie ad exitum bercarie sue in qua continetur dimidia roda et decem falles et Silvermare ex occidentale parte eiusdem grangie et unum sellionem in Kyrkefen et totum Smirelholm in Boifen et unum holmum infra salcetum predicti conventus quem Edricus filius Gamelli aliquando tenuit et unum sellionem super Colethornehil quem Willelmus Pestel aliquando tenuit iacentem inter terram predicti conventus et terram Roberti filii Mazelin tenendas et habendas libere quiete pacifice et integre cum omnibus pertinentiis suis libertatibus et aisiamentis infra villam et extra ad tantam terram pertinentibus sine aliquo retine mento in puram et perpetuam elemosinam liberam et quietam ab omni seculari servitio et terrena exactione sicut aliquid liberius et securius possideri potest a viris religiosis Et ego predicta Alicia et heredes mei omnes predictas terras et predicta prata cum omnibus pertinentiis suis predicto conventui warantizabimus et defendemus et de omnibus contra omnes acquietabimus in perpetuum Hiis testibus []