Charter Document - 05610275

Venerabili in Cristo patri ac domino reverendo domino Iohanni Dei gratia episcopo Linc sui humiles et devoti Gilbertus prior [ordinis de Sempingham] de Al et eiusdem loci conventus plenitudinem reverentie et honoris debitorum tanto patri Cum frater Thomas dudum prior de Al predecessor meus et nos conventus predicti dilectum nobis in Cristo Henricum de Doningtun clericum ad ecclesiam de Ierdeburg vicariam diocesis vacantem et ad nostram presentationem spectantem vobis ante hec tempora presentaverimus intuitu caritatis Quem ad huc ad eandem admittere distulistis nos Gilbertus nunc prior et conventus predicti presentationem predictam de prefato clerico ad memoratam ecclesiam quantum ad nos pertinet approbando et etiam ratificando eundem clericum ad dictam ecclesiam intuitu quo prius vestre paternitati presentamus humilime supplicantes quatinus eundem Henricum ad dictam ecclesiam admittere dignemini ulterius que facere et exequi cum favore quod ad nos pertinet in hac parte vestram paternitatem conservet altissimus per tempora diuturna Dat in capitulo nostro apud Alvingham x kalendas Novembris anno domini m trecentisimo nono