Charter Document - 05610213

[U]niversis Cristi fidelibus presentibus et futuris Robertus Haket filius Ricardi Godred de Alvingham salutem Noverit universitas vestra me concessisse dedisse et presenti scripto confirmasse Deo et beate Marie priori et conventui de Alvingham unam acram prati in Alvingham iacentem in Tunstalcroft inter pratum Iohannis Cost ex suth parte et prati quod dicti religiosi habent in escambium de Willelmo fratre meo ex north parte et ad caput orientale quod abbuttat super Ludena habet latitudinem unius fallis et quarter et ad caput occidentale quod abbuttat super Hevedic unum fallem Predictam vero acram prati cum pertinentiis de me tenendam et heredibus meis in puram et perpetuam elemosinam dedi dictis religiosis et quibus et quando assignare voluerint in liberum et perpetuum escambium pro una acra prati in Alvingham iacentem ex est parte de Holm inter pratum predictum Willelmi fratris mei ex utraque parte et abbuttat versus orientem super Ludena et versus occidentem super pratum dictorum religiosorum et continet in longum sexaginta et sex falles et in latum duo falles et unum quartarum et dimidium quartarum quam dicti religiosi dederunt mihi et heredibus meis de ipsis tenendam in perpetuum escambium ita quod ego Robertus et heredes mei et dicti religiosi et eorundem successores predictas duas acras prati cum pertinentiis contra omnes viventes nobis mutuo warantizabimus et de omnibus acquietabimus et defendemus inperpetuum In cuius rei testimonium alterius presenti scripti particulis sigillum meum et sigillum memorati prioris et conventus alternatim apponitur Hiis testibus Roberto filio Ricardi de Ierdebur Ricardo filio Simonis de eadem Thoma Dwed Ricardo filio Herberti Iohanne Cost Ricardo Dwed Ada filio Hugonis de eadem