Charter Document - 05610202

Sciant [] quod ego Pigotus filius Pigoti de Alvingham consensu et assensu Hugeline sponse mee dedi concessi et hac presenti carta mea confirmavi in puram et perpetuam elemosinam Deo et beate Marie et conventui de Alvingham unam percatam terre quatuor falles minus iacentem in Sarlecroft in nort capite in tota latitudine eiusdem crofti ad fossandum et includendum et faciendum inde quicquid eis placuerit Preterea dedi concessi et hac presenti carta mea confirmavi predicto conventui unam dailam prati in Tunstalcroft in territorio de Alvingham iacentem inter pratum monachorum de Parco Lude et pratum eiusdem conventus que abuttat versus occidentem super fossatum ad Peseholmsich et versus orientem in aquam que vadit versus Luthena ad habendam et tenendam predicto conventui cum omnibus pertinentiis suis in puram et perpetuam elemosinam in perpetuum escambium scilicet pro una daila prati iacente ex nort parte de Holm inter pratum quod Hugo filius Umfridi aliquando tenuit et pratum Gileberti prepositi quod extenditur in longum de terra arabili usque ad Nortdich et pro undecim perticatas terre in latum et undecim perticatas in longum iacentibus in Methelfen ex suth parte de Brienparch inter terram Iohannis filii Iohannis et terram Roberti generi Tengy Et ego Pigotus et heredes mei predictam terram et predictum pratum cum pertinentiis predicto conventui in puram et perpetuam elemosinam warantizabimus et defendemus et de omnibus erga omnes acquietabimus in perpetuum Et similiter predictus conventus predictum pratum mihi et heredibus meis in puram et perpetuam elemosinam warantizabunt Et ne aliqua calumpnia vel aliquod impedimentum super hoc escambio possit emergere in posterum tam ego Pigotus predictus quam predicta Hugelina sponsa mea ad maiorem securitatem pro nobis et pro heredibus nostris fidei datione nos obligavimus et insuper ego prefatus Pigotus presenti scripto quod predictum conventum contingit sigillum meum apposui