Charter Document - 05610201
| Charter Number: | 05610201 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1200 - 1250 |
| Date type: | Assigned |
| Resource Link(s): |
|
Charter:
Cunctis Cristi fidelibus presentibus et futuris Pigotus filius Pigoti de Alvingham salutem Noveritis me concessisse dedisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam in perpetuum escambium decem selliones terre arabilis in territorio de Alvingham unde septem iacent ex occidentali parte ville et tres ex orientali parte eiusdem ville de quibus septem sellionibus tres iacent ex suth parte de Holebec inter terram Willelmi carpentarii et terram Ricardi filii Swani et abuttant versus nort in Holebec et versus suth abuttant duo ex hiis contra terram Iohannis filii Iohannis et tertius tendit per medium usque in Cuningesgate et quartus sellio iacet inter eundem magnum sellionem qui tendit per medium usque in Cuningesgate inter terram predicti conventus et abuttat versus nort contra terram Willelmi carpentarii et versus suth super Cuningesgate et tres selliones iacent super eosdem furlanges inter terras predicti conventus et abuttant versus suth super Cuningesgate et versus nort super terram Gudredi et terram Ricardi filii Swani que fuit aliquando Herberti filii Iohannis Et tres selliones iacent ex orientali parte eiusdem ville de Alvingham ad domum monachorum quorum unus iacet inter terram dicti conventus et terram Gudredi et abuttat versus suth super Cuningesgate et versus nort super foreriam quam Iohannis Coppel aliquando tenuit de predicto conventu Et duo selliones iacent propinquius terre Gudredi ex est parte super eosdem furlanges et ex west parte iacent propinquius terre predicti conventus et abuttant versus suth super Cuningesgate et versus nort in Halefure tenendos et habendos predicto conventui cum omnibus pertinentiis suis libertatibus et aisiamentis infra villam et extra in puram et perpetuam elemosinam in perpetuum escambium sicut predictum est pro una cultura iacente ex occidentali parte ville de Alvingham que cultura vocatur Gayrewang cuius nort caput abuttat super aque ductum qui currit inter Ierdeberg et Alvingham et suth caput super foreriam que fuit aliquando Herberti filii Iohannis et iacet inter feodum de Asterby et terras quas Iohannes filius Cost et Emma Wind aliquando tenuerunt Et ego Pigotus et heredes mei predictos decem selliones cum omnibus pertinentiis predicto conventui in puram et perpetuam elemosinam in perpetuum escambium pro predicta Gayrewang warantizabimus et defendemus et de omnibus rebus erga dominos feodi et erga omnes homines et feminas acquietabimus in perpetuum Et idem conventus mihi et heredibus meis predictam Gayrewang similiter in elemosinam in perpetuum warantizabunt Et in huius rei testimonium confecta est hec carta inter nos in modum cyrografi in perpetuam memoriam et huic inde sigillis nostris corroborata
Source (click image below to view full size)
