Charter Document - 05610199
| Charter Number: | 05610199 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Exchange |
| Date: | 1200 - 1250 |
| Date type: | Assigned |
| Resource Link(s): |
|
Charter:
Hoc cyrographum testatur quod Pigotus filius Pigoti de Alvingham dedit et carta sua confirmavit conventui domui de Alvingham in puram et perpetuam elemosinam quatuor selliones terre arabilis in territorio de Alvingham quorum due selliones iacent ex occidentali parte eiusdem ville de Alvingham inter terras predicti conventus et abuttant versus aquilonem super Cuningesgate et versus meridiem super Seuwardfen et unus sellio iacet ex orientali parte eiusdem ville in Langlandes inter feodum de Melsa scilicet inter terram Tengy filii Hauc et terram Roberti Blundi et abuttat versus orientem super forarium Eadmundi Spic et versus occidentem super forarium predicti conventus et unus sellio iacet ex eadem parte ville inter terras predicti conventus in Laghlandes et abuttat versus aquilonem super terram Iohannis filii Iohannis de Alvingham et versus meridiem super Cuningesgate Hos vero prenominatos quatuor selliones dedit predictus Pigotus prefato conventui in escambium novem sellionum suorum terre arabilis qui sunt de pura elemosina sua et iacent in territorio dicte ville de Alvingham quorum quinque selliones simul iacent ex occidentali parte eiusdem ville inter terram Reginaldi filii Pigoti et terram Ade filii Hugonis de Alvingham et abuttant versus occidentem super forarium Astini et versus orientem super forarium predicti conventus Et tres selliones simul iacent ex orientali parte ville de Alvingham inter feodum de Friston et feodum de Melsa scilicet inter terram Radulfi Yalph et terram Roberti Blundi et abuttant versus occidentem super forarium eiusdem Ade filii Hugonis et versus orientem super forarium Umfridi de Alvingham Et unus sellio iacet in Plasfurlanges inter terram dicti Ade filii Hugonis de Alvingham et terram Ricardi filii Swani eiusdem ville et abuttat versus occidentem super forarium predicti Ade et versus orientem super forarium predicti Umfridi de Alvingham Et sciendum est quod uterque alteri omnes predictas terras sicut in escambium date sunt warantizabunt acquietabunt et defendent de omnibus rebus sicut puram elemosinam contra omnes homines in perpetuum In huius rei testimonium hoc presens scriptum sigillis utriusque corroboratum est
Source (click image below to view full size)
