Charter Document - 05610169
| Charter Number: | 05610169 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1225 - 1250 |
| Date type: | Assigned |
| Resource Link(s): |
|
Charter:
Cunctis Cristi fidelibus [] Andreas filius Cost de Alvingham salutem Noverit universitas vestra me pro salute anime mee et omnium antecessorum meorum dedisse et concessisse et hac presenti carta mea confirmasse Deo et beate Marie et conventui de Alvingham in puram et perpetuam elemosinam illum toftum in villa de Alvingham qui iacet inter toftum qui vocatur Gildetoft et toftum Galfridi filii Hamelini cum libero introitu et exitu et omnibus libertatibus et aisiamentis eidem tofto pertinentibus tenendum et habendum libere et quiete bene et in pace sicut aliqua elemosina liberius potest possideri a viris religiosis sine omni seculari servitio et consuetudine et exactione Et ego Andreas prefatus et heredes mei warantizabimus et defendemus hunc predictum toftum prenominato conventui erga omnes homines in perpetuum Et in huius rei securitatem perpetuam presentem cartam sigillo meo corroboravi
Source (click image below to view full size)
