Charter Document - 05610153
| Charter Number: | 05610153 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1250 |
| Date type: | Assigned |
| Resource Link(s): |
|
Charter:
Cunctis Cristi [] Hugo filius Galfridi filii Hamelini de Alvingham salutem Noveritis me concessisse dedisse et hac presenti carta mea confirmasse in liberam puram et perpetuam elemosinam Deo et beate Marie et conventui de Alvingham duos selliones terre arabilis cum omnibus pertinentiis iacentes in territorio de Alvingham ex occidentali parte ville ex north parte de Astinemare inter terram quam Robertus filius Gileberti Hugelin aliquando tenuit et terram Willelmi filii Cost et abuttat versus suth super Luthegate et versus north super terras quas Willelmus carpentarius et Robertus filius Gileberti et Rogerus gener Ailwini aliquando tenuerunt Et ego Hugo et heredes mei predictos duos selliones cum omnibus pertinentiis suis libertatibus et aisiamentis in puram et perpetuam elemosinam predicto conventui warantizabimus et defendemus et de omnibus demandis calumpniis sequelis et de omnibus rebus erga dominos feudi et erga omnes homines et feminas acquietabimus in perpetuum
Source (click image below to view full size)
