Charter Document - 05610113
| Charter Number: | 05610113 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1250 |
| Date type: | Assigned |
| Resource Link(s): |
|
Charter:
Omnibus Cristi fidelibus presentibus et futuris Pigotus filius Pigoti de Alvingham salutem Noveritis me pro salute anime mee et omnium antecessorum meorum concessisse et presenti carta mea confirmasse Deo et beate Marie et conventui de Alvingham duas selliones terre arabilis in territorio de Alvingham ex orientali parte ville quarum una iacet inter terras predicti conventus et abuttat occidentale caput super furnum Gileberti Wythelockes et alia iacet inter terram Umfridi nepotis domini et terram Roberti filii Lant et abuttat australe caput super angulum crofti quod vocatur Calegarthecroft tenendas et habendas predicto conventui cum omnibus pertinentiis suis libertatibus et aisiamentis infra villam et extra sine aliquo retene mento in puram et perpetuam elemosinam liberam et quietam ab omni seculari servitio et exactione sicut aliqua elemosina liberius et quietius dari potest pro Deo viris religiosis Et ego Pigotus et heredes mei warantizabimus predictam terram prefato conventui erga omnes homines in perpetuum Si autem contigerit quod Helena mater mea sponsum suum supervixerit et sepe dictam terram placito aliqua arte vel ingenio de predicto conventu adquisierit ego de terris meis vel catallis ad valentiam eiusdem terre eidem conventui satisfaciam donec eadem terra ei substituatur Ut igitur mea hec concessio et confirmatio perpetuam obtineant stabilitatem presens scriptum sigillo meo corroboravi
Source (click image below to view full size)
