Charter Document - 05610088
| Charter Number: | 05610088 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1200 - 1250 |
| Date type: | Assigned |
| Resource Link(s): |
|
Charter:
Cunctis Cristi fidelibus presentibus et futuris Andreas filius Pigoti de Alvingham salutem Sciatis me divine pietatis intuitu et pro salute anime mee et Margarete sponse mee et patrum et matrum nostrorum et omnium antecessorum et heredum nostrorum concessi et hac presenti carta confirmavi Deo et beate Marie et conventui de Alvingham in puram et perpetuam elemosinam duas selliones terre arabilis cum pertinentiis suis in territorio de Alvingham ex orientali parte ville in Lahelandes ex aquilonali parte de Halefure que iacent inter terram predicti conventus de Alvingham et terram monachorum de Parco Lude que due selliones faciunt unam acram terre Preterea concessi et confirmavi predicto conventui totas terras cum pertinentiis quas habent de hereditate mea in territorio predicte ville infra villam et extra de cuiuscumque dono sint Et preterea concessi et confirmavi predicto conventui viginti duas selliones cum pertinentiis quas habent ex dono Arnaldi de Scardeburc et Alani fratris sui in territorio de Ierdeburg Ego vero predictus Andreas et heredes mei warantizabimus predicto conventui predictas terras cum pertinentiis contra omnes homines in perpetuum Hiis testibus []
Source (click image below to view full size)
