Charter Document - 05610061
| Charter Number: | 05610061 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1275 - 1300 |
| Date type: | Assigned |
| Resource Link(s): |
|
Charter:
Omnibus Cristi fidelibus [] Iohannes le Brettun filius Iohannis domini de Colbrun et de Welltona salutem Noverit universitas vestra me concessisse remisisse et omnino de [me] et heredibus meis et quibuscumque assignatis quietum clamasse Deo et beate Marie priori et conventui de Alvingham et monialibus ibidem Deo servientibus et suis successoribus in perpetuum novem solidos annui redditus decem denarios quos mihi debebant et antecessoribus meis reddere solebant pro terris et tenementis que de feudo meo tenent et habent [in villa] et territorio de Alvingham ita quod nec ego Iohannes nec heredes mei nec aliquis nomine nostro aliquid iuris vel clamii de predicto redditu de cetero exigere vendicare seu calumpniari poterimus Et quia dicti prior et conventus in compensatione temporalium specialiter concesserunt mihi et Alicie uxori mee et heredibus meis quod simus participes omnium bonorum que fient in domo sua predicta perpetualiter ego predictus Iohannes et heredes mei predictum redditum novem solidorum et decem denariorum et quicquid inde provenire poterit prefatis priori et conventui et suis successoribus de omnibus et contra omnes homines warantizabimus acquietabimus et defendemus inperpetuum ut puram et perpetuam elemosinam nostram liberam et quietatam ab seculari servitio terrena exactione et demanda In cuius rei testimonium []
Source (click image below to view full size)
