Charter Document - 05610048
| Charter Number: | 05610048 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1202 - 1264 |
| Date type: | Assigned |
| Resource Link(s): |
|
Charter:
Cunctis Cristi fidelibus presentibus et futuris Iohannes filius Rogeri filii Alani de Asterby salutem Noverit universitas vestra me pro salute anime mee et omnium antecessorum meorum concessisse et hac presenti carta mea confirmasse in puram et perpetuam elemosinam Deo et beate Marie et conventui de Alvingham unam bovata terre cum pertinentiis suis in territorio de Alvingham quam Adam filius Roberti filii Lant et Iohannes frater eius aliquando tenuerunt et duos toftos in eadem villa cum eisdem Adam et Iohanne et cum tota sequela sua et omnibus catellis suis tenenda et habenda libere et quiete pacifice et integre cum pratis et pascuis et omnibus pertinentiis suis libertatibus et aisiamentis infra villam et extra sine aliquo retine mento in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius conferri potest pro Deo viris religiosis Et ego Iohannes et heredes mei predictam bovata terre cum omnibus pertinentiis suis et predictos toftos et homines cum omni sequela sua et catellis suis predicto conventui warantizabimus et defendemus et de omnibus erga omnes acquietabimus in perpetuum
Source (click image below to view full size)
