Charter Document - 05610044
| Charter Number: | 05610044 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 - 1264 |
| Date type: | Assigned |
| Resource Link(s): |
|
Charter:
Cunctis Cristi fidelibus presentibus et futuris Constancia quondam sponsa Rogeri filii Alani de Aisterby salutem Noverit universitas vestra me in libera viduitate et in legia potestate mea pro salute anime mee et omnium antecessorum meorum dedisse et concessisse et hac presenti carta mea confirmasse in puram et perpetuam elemosinam Deo et beate Marie et conventui de Alvingham Adam filium Roberti filii Land et Iohannem fratrem eius cum tota sequela sua et cum omnibus catellis suis et duos toftos quos idem Adam et Iohannes aliquando tenuerunt de me in villa de Alvingham et unam bovata terre quam predicti Adam et Iohannes similiter de me tenuerunt in territorio de Alvingham tenenda et habenda libere et quiete pacifice et integre cum pratis et pascuis et omnibus pertinentiis suis libertatibus et aisiamentis infra villam et extra sine aliquo retine mento in puram et perpetuam elemosinam liberam et quietam ab omni seculari servitio et terrena exactione sicut aliqua elemosina liberius et quietius conferri potest pro Deo viris religiosis Et ego Constancia et heredes mei predictam bovata terre cum omnibus pertinentiis et predictos toftos et homines cum omni sequela sua et catellis suis predicto conventui warantizabimus et defendemus et de omnibus erga omnes acquietabimus in perpetuum
Source (click image below to view full size)
