Charter Document - 05610037
| Charter Number: | 05610037 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1182 - 1189 |
| Date type: | Assigned |
| Resource Link(s): |
|
Charter:
Idem I dat nobis xxx acras terre arabilis de demenio suo in territorio de Al et decem acras prati in predicto territorio et situm molendini ex septemtrionali parte de Boyfen Universis sancte matris ecclesie filiis Iohannes filius Petri de Melsa salutem Sciatis quod ego Iohannes assensu et concessione matris mee Beatricis concessi et dedi in perpetuam elemosinam Deo et ecclesie beate Marie de Alvingham et sanctimonialibus ibidem Deo servientibus et fratribus earum xxx acras terre arabilis de demenio meo in teritorio de Alvingham soli propinquiores et decem acras prati in predicto territorio et situm molendini ex septemtrionali parte de Boyfen iuxta virgultum sanctimonialium de Alvingham cum sorore mea cui concessit magister Gilebertus et conventus de Alvingham ut monialis fiat in eadem domo de Alvingham Cum autem defuncta fuerit filiam meam ad ultra si voluero suscipient post mortem filie suscipient aliam sororem meam si supervixerit Ego vero hanc elemosinam meam predictam warantizabo erga dominum regem et dominos feudi et omnes homines et heredes mei post me in perpetuum Et nequis hanc donationem meam infirmare vel minuere in aliquo valeat dignum duxi atestatione sigilli mei simul et matris mee eam corroborare Et sciendum est quod hec xl acre supra nominate que cum sorore mea dantur sunt de illa medietate demenii mei quam prefatis monialibus in alia carta mei confirmavi Idcirco ne aliqua fraus vel malum ingenium prevaleat ut si opus meum infirmetur aquietabo illud et warantizabo contra matrem meam et omnes calumniantes
Source (click image below to view full size)
