Charter Document - 05610033
| Charter Number: | 05610033 |
|---|---|
| Cartulary Title: | An Edition of the Cartulary of Alvingham Priory |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1148 - 1166 |
| Date type: | Assigned |
| Resource Link(s): |
|
Charter:
Sciant omnes tam futuri quam presentes quod ego Hamelinus decanus assensu et consilio heredum meorum dedi et concessi et hac presenti carta confirmavi Deo et ecclesie sancte Marie de Alvingham et sanctimonialibus ibidem Deo servientibus in puram et perpetuam elemosinam possidendam totam partem ecclesie sancti Adelwoldi de Alvingham que pertinet ad terram quam teneo de feudo comitis Brittanie in eadem villa scilicet tres partes eiusdem ecclesie cum omnibus pertinentiis suis Hanc elemosinam ego et heredes mei contra omnes homines warantizabimus Quartam vero partem eiusdem ecclesie tenent prescripte sanctimoniales de donatione Rogeri filii Gocelini per concessum meum qui aliquo tempore persona eiusdem ecclesie extiterim set dimissionem personatus in manu Roberti de Chenei Lincolnien episcopi feci Facta dimissione pontifex memoratus sanctimoniales predictas de prefata ecclesia cum pertinentiis suis integre et plenaria investivit in capitulo de Sempingham
Source (click image below to view full size)
