Charter Document - 05610012

Innocentius episcopus servus servorum Dei dilectis filiis de Bridlinton et de Kirkeham prioribus et magistro scolarum ecclesie de Malton Ebor dioecesis salutem et apostolicam benedictionem Sua nobis dilecti filii magister ordinis de Sempingham et prior et conventus fratrum et sororum de Alvingham eiusdem ordinis conquestione monstrarunt que cum bone memorie Hugo Linc episcopi duas partes redituum ecclesie sancti Andree de Staynton Linc dioecesis capituli sui et patroni eiusdem ecclesie accedente consensu in eorundem prioris et conventus in proprios usus provida et pia liberalitate duxerit concedendas idemque per bone memorie Hubertus Cantuar archiepiscopum tunc apostolice sedis legatum fuerit confirmatum bone memorie Hugo Linc episcopi episcopi prefati successor volens quod predecessor suus fecerat revocare Petrum clericum Linc cui eandem ecclesiam contulit de predictis duabus partibus perperam investivit qui eas adhuc detinet in eorum non modicum preiudicium et gravamen Quocirca discretioni vestre per apostolica scripta mandamus quatinus vocatis qui fuerint evocandi et auditis huic inde propositis que canonicum fuerit appellatione post posita statuatis facientes que statueritis auctoritate nostra firmiter observari Testes autem qui fuerint nominati si se gratia odio vel timore subtraxerint per censuram ecclesiasticam appellatione cessante cogatis veritati testimonium perhibere quod si non omnis hiis exequendis potueritis interesse duo vestrum ea nihilominus exequantur Datum []