Charter Document - 05600002
| Charter Number: | 05600002 |
|---|---|
| Cartulary Title: | An Oxford Charter of 1191 and the Beginnings of Municipal Freedom |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1147 |
| Date type: | Assigned |
| Resource Link(s): |
|
Charter:
Notum sit cunctis fidelibus Sancte Ecclesie tam presentibus quam futuris quod nos cives Oxenefordie de commun[i] civitatis et de gilda mercatorum pro stabilitate totius regni et statu et incolumitate regis nostri et regine et filiorum suorum necnon et pro nostra salute omniumque nostrorum et pro animabus patrum nostrorum et matrum et omnium antecessorum nostrorum damus et concedimus in perpetuam elemosinam ecclesie Dei et Sancte Marie de Osen[eia] et canonicis ibidem deo servientibus insulam nostram que vocatur Middeleya cum omnibus ad se pertinentibus in terris et pratis et pasturis cum omnibus eisdem libertatibus et consuetudinibus quas ibi antecessores nostri habuerunt liberalibus concessionibus regum et nos post ipsos ita tamen ut singulis annis reddant ipsi canonici dimidiam marcam argenti pro hac eadem tenura ubi nos jusserimus Hane donationem et concessionem fecimus communi consensu in portmanmot et hanc eandem fecimus in capitulo de Osen[eia] coram canonicis ejusdem loci et in presentia Will[elm]i de Cheneto aldermanni nostri et per eum et postea cum ipso supra altare cum textu obtulimus De hac donatione et concessione est testis Everard[us] abbas de Thama []
Source (click image below to view full size)
