Charter Document - 05590018
| Charter Number: | 05590018 |
|---|---|
| Cartulary Title: | Muniments of Holy Trinity Priory Wallingford |
| Charter Language: | Latin |
| Charter Origin: | Religious |
| Charter Type(s): | Lease |
| Date: | 1329 |
| Date type: | Internal, Feast, Regnal |
| Resource Link(s): |
|
Charter:
Die martis in festo sancti Marcii evangeliste anno regni regis Edwardi tercii post conquestum tercio ita conuenitur inter fratrem Willelmum Heyron priorem sancte Trinitatis Walyngfordie et eiusdem loci conuentum ex parte una et Thomam filium Willelmi le Kene ex altera uidelicet quod predicti prior et conuentus concesserunt et dimiserunt predicto Thome ad terminum uite sut illud mesuagium molendinum et totam illam terram pratum cum pascuis pasturis et cum omnibus aliis ubique pertinenciis que Willelmus le Kene pater predicti Thome de eis tenuit in Esthenrethe Westhenrethe et Ardynton habenda et tenenda predicta mesuagium molendinum terram pratum cum pascuis et pasturis et cum omnibus aliis ubique pertinenciis predicto Thome ad terminum uite sue adeo lib ere et integre sicut predictus Willelmus pater predicti Thome de eis tenuit reddendo inde annuatim predictis priori et conuentui uiginti et quatuor solidos ad duos anni terminos uidelicet ad festum sancti Thome apostoli et ad festum natiuitatis sancti Johannis Baptiste per equales portiones et faciendo omnia seruicia ad pratum et ad precariam in autumno sicut predictus Willeimus pater predicti Thome facere consueuit uidelicet falcabit in prato predicti prioris cum uno homine per unum diem et cariabit fenum per unum diem et [in] ueniet ad precariam dicti prioris in autumno per duos dies scilicet primo die cum uno homine et secundo die cum duobus hominibus et cariabit bladum per unum diem Concesserunt insuper predicti prior et conuentus predicto Thome quod ipse habeat in pasturis suis apud Westhenrethe quatuor boues pascendos et cetera animalia sicut unus dimidius uirgatarius habere consueuit Et predictus Thomas dabit predictis priori et conuentui quolibet anna ad festum sancti Michaelis dimidium quarterium frumenti et erit particeps omnium beneficiorum factorum in ecclesia sancte Trinitatis predicte inperpetuum Et predictus Thomas ueniet semel in anna ad curiam franci plegge Concesserunt etiam predicti prior et conuentus pro se et successoribus suis quod predicta mesuagium molendinum terra et pratum cum pascuis et pasturis et cum aliis ubique pertinenciis post discessum predicti Thome Matildi uxori eiusdem Thome et uni de Iiberis suis digniori ad terminum uite utriusque eorum integre remaneant habenda et tenenda predicta mesuagium molendinum terram et pratum cum pascuis pasturis boues et cetera animalia in pasturis pascenda eodem modo quo predictum est secundum quod concessum est per predictos priorem et conuentum sancte Trinitatis Walingfordie In cuius rei testimonium hiis scriptis indentatis partes predicte sigilla sua alternatim apposuerunt hi is testibus domino Willelmo de Spersolte milite domino Roberto Achard milite Willelmo de Arches Almarico Feteplace Ricardo Doton Willelmo de Latton Willelmo Thoorans de Keyngstun Roberto Waryn et aliis Datum apud Esthenrethe die et anno supradictis
Source (click image below to view full size)
