Charter Document - 05590017

Hec indentura testatur quod prior et conuentus Walingfordie tenentur concedere per cartam Johanne relicte Willelmi le Kene de Henrethe si de Johanne filio suo et Isabella uxore sua predicta Johanna uiuente contigerit humanitus ad terminum uite sue tenendam totam illam terram quam predictus Johannes filius suus et Isabella uxor sua tenuerunt de dictis priore et conuentu in Esthenrethe et Westhenrethe Ardintone cum pratis pascuis et pasturis cum mesuagio et molendino et cum omnibus aliis ubique suis pertinenciis reddendo inde annuatim prefatis priori et conuentui dicta Johanna uigintiquatuor solidos sterlingorum ad duos anni terminos uidelicet ad festum sancti Johannis Baptiste duodecim solidos et ad festum sancti Thome apostoli duodecim solidos et faciet omnia opera ad pratum et ad precarios in autumno sicu[t] predictus Johannes filius suus et Isabella uxor sua facere consueuerunt uidelicet falcabit in prato dicti prioris cum uno homine per unum diem et cariabit fenum per unum diem et ueniet ad precariam dicti prioris in autumno per duos dies scilicet primo die cum uno homine secundo die cum duobus hominibus et cariabit bladum per unum diem et predicta Johanna habebit in pastura dicti prioris quatuor boues et cetera animalia sicut unus dimidius uirgarius in Westhenrethe Preterea dicta Johanna dabit dicto priori et conuentui quolibet anno ad festum sancti Michaelis dimidium quarterium frumenti In cuius rei testimonium sigillum commune dicti prioris et conuentus et sigillum dicte Johanne huic scripto indentato alternatim sunt appensa Datum Walingfordie die Veneris proximo ante festum sancti Marci euangeliste anna regni regis Edwardi filii regis Edwardi decimo