Charter Document - 05590016

Anno regni regis Edwardi filii regis Edwardi decimo facta est hec conuencio inter dominum Stephanum de Wyttenham priorem sancte Trinitatis Walingeforde et eiusdem loci conuentum ex parte una et Johannem filium Willelmi Kene de Esthenreth et Isabellam uxorem suam ex altera uidelicet quod dictus prior et eiusdem loci conuentus concesserunt et dimiserunt dictis Johanni et Isabelle ad terminum uite eorum totum tenementum et totam terram illam quam Willelmus pater dicti Johannis de nobis tenuit in Esthenreth Westhenrethe et Ardyndtone cum pratis paschuis et pasturis et cum omnibus ad mesuagium et molendinum spectantibus seu pertinentibus habendum et tenendum dictum mesuagium et molendinum et totam terram predictam cum omnibus suis ubique pertinenciis dictis Johanni et Isabelle ad totum terminum uite eorundem Johannis et Isabelle ita libere et quiete sicut predictus Willelmus pater predicti Johannis de nobis tenuit redden[do] [in]de annuatim dictis priori et conuentui dicti Johannes et Isabella uxor sua uiginti et quatuor solidos ad duos anni terminos pro equali portione uidelicet ad festum saneti Johannis Baptiste duodecim solidos et ad festum sancti Thome apostoli duodecim solidos et facient annuatim omnia seruicia ad pratum et precarias in autumno sicut Willelmus pater predicti Johannis facere consueuit uidelicet falcabunt in prato dieti prioris cum uno homine per unum diem et cariabunt fenum per unum diem et uenient ad precariam dicti prioris in autumno per duos dies scilicet primo die cum uno homine secundo die cum duobus hominibus et cariabunt bladum per unum diem et predicti Johannes et Isabella habebunt in pasturis dicti prioris et conuentus quatuor boues et cetera animalia in aliis pasturis de Westhenreth sicut unus dimidius uirgarius in eadem uilla de Westhenreth Preterea dicti Johannes et Isabella dabunt dicto priori et conuentui quolibet anna quam diu uixerint ad festum sancti Michaelis dimidium quarterium frumenti et erunt participes omnium beneficiorum factorum in dicta ecclesia sancte Trinitatis imperpetuum et uenient semel in anna ad curiam francip leggii Pro hac conuencione autem et concessione et dimissione de derunt dicti Johannes et Isabella dicto priori et conuentui duodecim marcas argenti Et ut hec nostra conuencio concessio et dimissio firma sit et stabilis in omnibus sicut pre dictum est presentibus scriptis in modum cyrografi confectis partes sigilla sua alternatim una cum sigillo conuentuali apposuerunt Hiis testibus Ricardo de Wyndesore Henrico de Pentelawe Philippo de la Beehe Johanne de Ildesle seniore Roberto de Ildesle Henrico Harln Petro Jordan Radulpho Basset et aliis Datum apud Waligeford die sabato proximo post festum sanctorum Tiburcii et Valeriani martirum anno regni regis E supradicto