Charter Document - 05590010

Charter Document - 05590010


Charter Number: 05590010
Cartulary Title: Muniments of Holy Trinity Priory Wallingford
Charter Language: Latin
Charter Origin: Religious
Charter Type(s): Establishment
Date: 1222 - 1239
Date type: Assigned
Resource Link(s):

Charter:

Vniuersis Christi fidelibus ad quos hoc scriptum peruenerit Willelmus archidiaconus Berk salutem in Domino eternam Nouerit uniuersitas uestra quod cum mota esset controuersia inter priorem et conuentum sancte Trinitatis de Walengeforde petentem decimas feni et molendini de dominico Ricardi Child de Westhenred prouenientes et de iure communi ad ecclesiam suam de Westhenred prout dicebant pertinentes ex una parte et priorem et conuentum de Pochhele ex altera qui dictas decimas ad se pertinere dicebant et qui eas diu possidebant canonice adeptas ex collatione uerorum patronorum et confirmatione diocesani demum partes nostre se supposuerunt ordinationi fideliter promittentes quod dicte nostre ordinationi futuris et perpetuis temporibus starent et nullo tempore contra eam uenire presumerent Nos igitur prehabita deliberatione et consilio sic ordinamus quod decimas molendini predicti decetero habeant prior et conuentus sancte Trinitatis de Walingeford decime autem feni de dominico predicto integre remaneant dictis priori et conventui de Pochhele futuris et perpetuis temporibus Ad hoc procurabunt prior et conuentus sancte Trinitatis de Walingeforde pro possibilitate sua quod abbas sancti Albani hanc nostram ordinationem ratam se habere literis suis patentibus protestetur ad maiorem dicte ordinationis firmitatem procurabit et utraque pars fideliter quod diocesanus loci ipsam ratam habeat et pontificali confirmet auctoritate Et si aliquando contingat quoquo modo procurantibus abbate et conuentu sancti Albani ordinationem prefatam infirmari quod absit salua sint memoratis priori et conuentui de Pochhele pristinum eorundem ius et possessio ac defensio canonica et predictis monachis si qua competit eis pro predictis actio In huius autem nostre ordinationis testimonium duo confecta sunt instrumenta quorum unum sigillo nostro et prioris et conuentus sancte Trinitatis de Walingeforde signatum remanebit priori et conuentui de Pochhele alterum uero sigillo nostro et prioris et conuentus de Pochhele signatum remanebit dictis priori et conuentui de Walingeforde ad perpetuam rei geste memoriam Valete

Source (click image below to view full size)