Charter Document - 05590007
| Charter Number: | 05590007 |
|---|---|
| Cartulary Title: | Muniments of Holy Trinity Priory Wallingford |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1194 - 1195 |
| Date type: | Assigned |
| Resource Link(s): |
|
Charter:
Cum quedam controuersia uerteretur coram domino Herberto Saresburiensi episcopo inter Iohannem priorem de Walengeford et Willelmum de Henred militem super celebratione diuinorum in capella de Henred quam prefatus Willelmus lapideam de nouo construxerat tandem hoc modo conquieuit Dominus prior de Walengeford recognouit in prefata capella de Henred tribus diebus in ebdomada scilicet die lune die mercurii et die ueneris per capellanum matricis ecclesie diuina debere celebrari saluis omnibus ad iura parochialia matricis ecclesie pertinentibus dominicis uero diebus et aliis diebus festiuis predictus Willelmus de Henred cum tota familia sua matricem sequetur ecclesiam Dictus uero [Willelmus] de Henred promisit in presentia domini episcopi quod nunquam per se uel per successores suos aliud quam in hoc scripto autentico expressum est nisi per gratiam et uoluntatem ecclesie de Walengeford ad prefatam capellam de Henred uendicabit In huius autem rei testimonium dominus Hubertus Saresburiensis episcopus sigillum suum apposuit His testibus Abraham capellano Rogero de Welles Stefano decano G de Turberuile Illberto de Macay et multis aliis
Source (click image below to view full size)
