Charter Document - 05590006
| Charter Number: | 05590006 |
|---|---|
| Cartulary Title: | Muniments of Holy Trinity Priory Wallingford |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1174 - 1184 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis ad quos presens scriptum peruenerit Jocelinus diuina permissione Saresburiensis episcopus salutem in uero salutari Nouerit uniuersitas uestra nos concessisse et episcopali auctoritate confirmasse monachis sancte Trinitatis de Waringeford ecclesiam de Westhenred cum omnibus pertinentiis suis tam in decimis quam obuentionibus aliis perpetuo bene et libere tenendam et possidendam saluis quidem in omnibus episcopalibus consuetudinibus ita quidem quod uicarius perpetuus in ea per nos aut successores nostros ad eorum presentationem institutus nobis et successoribus nostris respondeat de spiritualibus illis autem de temporalibus Quod ut perpetua perseueret firmitate presenti carta sigilli nostri appositione roborata confirmamus
Source (click image below to view full size)
