Charter Document - 05580011
| Charter Number: | 05580011 |
|---|---|
| Cartulary Title: | Chronicon Abbatiae de Evesham ad annum 1418 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1192 |
| Date type: | Internal, Calendar, Papal |
| Resource Link(s): |
|
Charter:
Celestinus episcopus servus servorum Dei dilectis filiis Rogero abbati et fratribus sancti Ecgwini Eveshamensis monasterii salutem et apostolicam benedictionem Largitione nostri muneris et gratia eos duximus decorandos quos fidei meritum ac devotionis constantia nobis reddunt acceptos et qui nullo mediante ad jurisdictionem beati Petri et nostram specialiter pertinere noscuntur Hac itaque ratione inducti et devotionis et fidei vestra intuitu provocati tibi fili abbas et successoribus tuis sicut ex gratia et liberalitate sedis apostolica tu et successores tui usum mitra et annuli habetis ita quoque usum chirothecarum dalmatice tunica et sandaliorum nec non et vestimenta sacerdotalia benedicendi de consueta clementia et de benignitate sedis apostolica duximus concedendum indulgentes ut his omnibus in solemnibus diebus infra monasterium vestrum et obedientias ejus in processionibus quoque ipsius monasterii in conciliis Romani pontificis et legati ejus atque in synodis episcoporum incunctanter utamini statuentis ut nulli omnino hominum liceat hanc paginam nostra concessione infringere vel ei aliquatenus contraire Si quis autem hoc attentare presumpserit indignationem omnipotentis Dei et beatorum Petri et Pauli apostolorum Ejus se noverit incursurum Datum Roma apud sanctum Petrum Idus Januarii pontificatus nostri anno primo Amen amen amen
Source (click image below to view full size)
