Charter Document - 05580009

Alexander episcopus servus servorum Dei dilectis filiis Ade abbati monasterii Eveshamensis ejusque fratribus tam presentibus quam futuris regularem vitam professis in perpetuum Pie postulatio voluntatis effectu debet prosequente compleri ut et devotionis sinceritas laudabiliter enitescat et utilitas postulata vires indubitanter assumat Quocirca dilecti in Domino filii vestris justis postulationibus clementer annuimus et prefatum monasterium in quo divino mancipati estis obsequio et predecessoris nostri felicis memoria Innocentii pape vestigiis inherentes sub beati Petri et nostra protectione suscipimus et presentis scripti privilegio communimus Statuentes ut quascunque possessiones quecunque bona idem monasterium inpresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant Decimas fructuum vestrorum a quadraginta annis ab ecclesia vestra canonice et inconcusse possessas in refectiones pauperum vel in edificia et ornamenta ecclesiarum distribuendi juxta rationabilem consuetudinem apud vos hactenus habitam liberam vobis concedimus facultatem Liceat vobis insuper clericos vel laicos liberos et absolutos e seculo fugientes absque alicujus contradictione ad conversionem suscipere et ea qua de jure suo legitime secum attulerint usibus monasterii cedant Prohibemus sane ne altaria cimiteria decima et quecunque alia ejusdem monasterii juris existunt a quolibet auferantur vel minuantur Sepulturam quoque ipsius loci liberam esse concedimus ut eorum devotioni et extrema voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen canonica justitia ecclesiarum illarum a quibus mortuorum corpora assumuntur Quum autem commune interdictum [terre] fuerit liceat vobis clausis januis non pulsatis tintinnabulis exclusis excommunicatis et interdictis suppressa voce divina officia celebrare Obeunte vero te nunc ejusdem loci abbate vel tuorum quolibet successorum nullus ibi qualibet surreptionis astutia seu violentia preponatur nisi quem fratres communi assensu vel fratrum pars consilii sanioris secundum Dei timorem et beati Benedicti regulam providerint eligendum Sane dignitates et libertates omnes sancto Ecgwino episcopo ejusdem loci fundatori ac postmodum abbati ab apostolica sede concessas et scripto confirmatas consuetudines etiam quas peculiares ejus merito rationabiles hucusque tenuistis in parochiis in processionibus in ordinationibus inconvulsas vobis manere sancimus Chrisma vero oleum sanctum consecrationes altarium ordinationes clericorum qui ad sacros ordines fuerint promovendi a quocunque malueritis suscipietis episcopo sicut est hactenus observatum dummodo episcopus catholicus sit et gratiam atque communionem apostolice sedis habeat et ea gratis et absque pravitate vobis velit exhibere Statuimus etiam ut Wigornenses episcopi a vobis aliquid injuste non exigant sed his tantum contenti sint que antecessores vestros antecessoribus suis constat rationabiliter exhibuisse Decernimus ergo ut nulli omnino hominum liceat supradictum monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum gubernatione et sustentatione concessa sunt usibus omnimodis profutura salva sedis apostolica auctoritate Si qua igitur in futurum ecclesiastica secularisve persona hanc nostra constitutionis paginam sciens contra eam temere venire tentaverit secundo tertiove commonita nisi presumptionem suam congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore et a sanguine Dei et Domini nostri Redemptoris Jesu Christi aliena fiat atque in extremo examine districta ultioni subjaceat Cunctis autem eidem loco sua jura servantibus sit pax Domini nostri Jesu Christi quatenus [et] hic fructum bone actionis percipiant et apud districtum Judicem premia eterne pacis inveniant Amen amen amen Ego Alexander catholica ecclesia episcopus subscribo Ego Hubaldus Hostiensis episcopus subscribo Ego Gualterus Albanensis episcopus subscribo Ego Henricus presbyter cardinalis titulo sanctorum Nerei et Achillei subscribo Ego Johannes presbyter cardinalis titulo sancte Anastasie subscribo Ego presbyter Willelmus presbyter cardinalis titulo sancti Petri ad Vincula subscribo Ego Jacinctus diaconus cardinalis sancta Maria in Cosmidin subscribo Ego Odo diaconus cardinalis sancti Nicholai in Carcere Tullii subscribo Ego Johannes diaconus [cardinalis] sancta Maria in Porticu subscribo Datum Turonis per manum Hermanni sancta Romana ecclesia subdiaconi et notarii nonas Junii indictione undecima Incarnationis Dominice anno millesimo centesimo sexagesimo tertio pontificatus vero domini Alexandri papa tertii anno quarto Amen amen amen