Charter Document - 05580008

Innocentius episcopus servus servorum Dei dilecto filio Reginaldo abbati Eveshamensis monasterii ejusque successoribus canonice substituendis in perpetuum Sicut injusta poscentibus nullus est tribuendus effectus ita legitima desiderantium non est differenda petitio Hoc nimirum intuitu dilecte in Domino fili Reginalde abbas tuis justis postulationi bus impertimur assensum et monasterium Eveshamie cui Deo auctore presides quod a tempore fundationis sua sedes apostolica specialibus decrevit privilegiis honorandum sub beati Petri et nostra protectione suscipimus et presentis scripti privilegio communimus Statuentes ut quascunque possessiones quecunque bona idem locus inpresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis poterit adipisci firma tibi tuisque successoribus et illibata permaneant Sepulturam quoque ejusdem loci liberam esse omnino decrevimus ut eorum qui se ibi sepeliri deliberaverint devotioni et extreme voluntati nullus obsistat Sancimus etiam ne in vestra abbatia aut in capellis vestris aliquis episcopus [synodum] vel capitula aut ordinationes aut missas publicas nisi invitatus ab abbate illius loci vel a fratribus celebrare presumat Oblationes etiam que in eadem abbatia vel in ceteris ecclesiis vestris ad manum pontificis vel cujuslibet ibi missam celebrantis offeruntur vestris usibus cedant nec eisdem personis eas sibi retinere aut clericis vel laicis distribuere liceat Decimas insuper quas hucusque canonice obtinuistis in refectiones pauperum vel in edificia et ornamenta ecclesiarum distribuendi juxta consuetudinem apud vos hactenus habitam liberam vobis concedimus facultatem Liceat quoque vobis clericos vel laicos e seculo fugientes nisi forte certis ex causis excommunicati sint absque alicujus contradictione ad conversionem suscipere et ea que de jure suo legitime secum attulerint usibus monasterii cedant Prohibemus sane ne altaria comiteris decima et quecunque alia ejusdem monasterii juris existunt a quolibet auferantur vel minuantur nec pro communi terre interdicto vestrum monasterium a divinis vacet officiis sed clausis januis exclusis excommunicatis vel interdictis divina liceat vobis officia submissa voce celebrare et debita sepultura tam vobis quam famulis vestris impendere Obeunte vero te nunc ejusdem loci abbate vel tuorum quolibet successorum nullus ibi qualibet subreptionis astutia seu violentia preponatur nisi quem fratres ejusdem loci communi assensu vel fratrum pars consilii sanioris elegerint Qui in eadem ecclesia absque omni exactione a quocunque maluerit benedicatur episcopo dum tamen catholicus sit et gratiam sedis apostolica habeat et communionem Sane dignitates et libertates omnes sancto Ecgwino episcopo ipsius loci fundatori ac postmodum abbati ab apostolica sede concessas et scripto confirmatas consuetudines etiam quas peculiares ejus merito hucusque tenuistis in parochiis in processionibus in ordinationibus inconvulsas vobis manere sancimus In chrismate ab episcopo accipiendo et per ecclesias vestras gratis distribuendo sicut quousque consuevistis teneatis Statuimus insuper ac predecessoris nostri felicis memoria Constantini papa vestigiis inherentes decrevimus ut solummodo penes te et successores tuos totius domus et ecclesia tue et aliorum locorum ad eandem ecclesiam pertinentium pastoralis cura consistat et eorundem ordinatio sicut hactenus est observatum in tua et successorum tantum tuorum potestate permaneat salva per omnia sedis auctoritate apostolica Si quis sane in posterum hanc nostram constitutionem sciens contra eam temere venire tentaverit potestatis honorisque sui periculum patiatur et a sacratissimo corpore et sanguine Domini nostri Jesu Christi alienus fiat atque in extremo examine districte ultioni subjaceat Conservantes autem hec omnipotentis Dei et beati Petri ac Pauli apostolorum Ejus gratiam consequantur Amen Amen Amen Ego Innocentius catholica ecclesia episcopus subscribo Ego Lucas presbyter cardinalis tituli sanctorum Johannis et Pauli subscribo Datum Laterani per manum Almerici sancta Romana ecclesia diaconi cardinalis et cancellarii sexto decimo kalendas Maii indictione secunda Incarnationis Dominica anno millesimo centesimo tricesimo octavo pontificatus domini Innocentii papa secundi anno decimo