Charter Document - 05580005
| Charter Number: | 05580005 |
|---|---|
| Cartulary Title: | Chronicon Abbatiae de Evesham ad annum 1418 |
| Charter Language: | Latin |
| Charter Origin: | Religious |
| Charter Type(s): | Report |
| Date: | 1204 |
| Date type: | Assigned |
| Resource Link(s): |
|
Charter:
Sanctissimo domino et patri in Christo carissimo I[nnocentio] Dei gratia sancta Romana sedis summo pontifici G[alfridus] divina permissione dictus episcopus et J[orbertus] prior Coventreia et R[icardus] archidiaconus Norhamptonia salutem et promptum in omnibus cum humillima subjectione et debita reverentia famulatum Receptis sanctitatis vestra literis in causa que inter dominum Wigornensem et abbatem et monachos de Evesham super statu eorundem monachorum et monasterii sui vertebatur eam que ex eisdem literis consequebatur negotii prosecutionem cum summa diligentia pro modulo discretionis nostre adhibuimus Ea siquidem quorum tam cognitio quam decisio nobis fuit commissa licet non sine multo labore et tedio plene expedivimus Illa vero quorum inquisitio nobis fuit demandata definitio vero excellentia vestre reservata utpote de statu vallis et de exemptione monasterii de Evesham negotium in presentia nostra diu et diligenter ventilari fecimus et juxta tenorem commissionis vestra tandem causam ipsam instructam paternitati vestre transmittimus terminum partibus quo coram vobis sententiam recepture compareant scilicet diem octavarum beati Martini prefigentes Nequid etiam necessaria instructionis desit transcriptum vestra commissionis cum attestationibus et partium disputationibus sub sigillis nostris privilegia quoque originalia ipsorum monachorum sanctitati vestre transmittimus in rite actis a nobis dominationi vestre debitum exsolventes in secus gestis vel per incuriam omissis insufficientiam qua laboravimus humiliter recognoscentes Hoc autem ad instantiam partium adjicimus quod neutra pars allegationibus in presentia vestra si placuerit proponendis renunciavit Item et illud exprimendum duximus quod privilegia ipsa monachis de Evesham transcripta vero domino Wigornensi vobis presentanda de utriusque partis consensu tradidimus Presit diu et semper prosit universali ecclesie sanctitas vestra
Source (click image below to view full size)
