Charter Document - 05570099
| Charter Number: | 05570099 |
|---|---|
| Cartulary Title: | Newly Discovered Charters of King John [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1202 |
| Date type: | Internal, Regnal |
| Resource Link(s): |
The Magna Carta Project |
Charter:
Ioh[ann]es Dei gratia rex Angl[ie] dominus Hibern[ie] dux Norm[annie] Aquitann[ie] comes Andeg[auie] archiepiscopis episcopis abbatibus comitibus baronibus iustic[iis] vicecomitibus forestariis prepositis et omnibus ball[iu]is et fidelibus suis salutem Sciatis nos pro amore Dei et pro salute anime nostre et animarum antecessorum et successorum nostrorum dedisse et concessisse et hac carta nostra confirmasse Deo et ecclesie beate Marie de Dora et monachis ordinis Cisterciensis ibidem Deo seruientibus quingentas acras terre in foresta nostra de Triuel essartandas et precolendas et fossandas et claudendas et pro voluntate sua tractandas habendas et tenendas in liberam puram et perpetuam elemosinam solutas et quietas a wasto et rewardo forestariorum et extra forestam Quare volumus et firmiter precipimus quod predicti monachi habeant et teneant predictas quingentas acras bene et in pace libere et quiete integre plenarie et honorifice cum omnibus pertinentiis libertatibus et liberis consuetudinibus suis in omnibus locis et rebus quietas ab omni seculari seruicio et exactione Test[ibus] Will[elm]o com[ite] Arundel R[oberto] com[ite] Leyc W[illelmo] com[ite] Sar com[ite] D[aui]d Willelmo de Braos Thom[a] Basset Alano Basset Ioh[ann]e de Pratell Roberto Tresgoz Dat per manum S[imonis] prepositi Beuerlac et archid[iaconi] Wellen apud Andegauis xv die Septemb[ris] anno regni nostri quarto