Charter Document - 05570036
| Charter Number: | 05570036 |
|---|---|
| Cartulary Title: | Newly Discovered Charters of King John [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1199 |
| Date type: | Assigned |
| Resource Link(s): |
The Magna Carta Project |
Charter:
Iohannes Dei gratia rex Anglie dominus Ybernie dux Normannie Aquitanie comes Andegauie archiepiscopis episcopis abbatibus comitibus baronibus iusticiariis vicecomitibus prepositis et omnibus bailliuis et fidelibus suis salutem Sciatis nos suscepisse in manum et custodiam et protectionem nostram decanum et capitulum Eboracensis ecclesie et omnes terras res redditus et possessiones suas et ideo mandamus vobis et firmiter precipimus quod custodiatis protegatis manuteneatis et defendatis ipsum decanum et capitulum et homines eorum et terras res redditus et possessiones suas sicut nostra dominica nec inferatis eis vel hominibus aut tenementis eorum vel inferri permittatis molestiam iniuriam aut grauamen contra dignitates et antiquas consuetudines et libertates quas Eboracensis ecclesia habuit et habere consueuit tempore bone memorie H[enrici] regis patris nostri et antecessorum nostrorum set eas eis libere et integras conseruetis et si in aliquo eis fuerit forisfactum id sine dilatione faciatis emendari T[este] H[uberto] Cantuariensi [arch]iepiscopo cancellario nostro apud Rothomagum vii die Septembris