Charter Document - 05570031

Iohannes Dei gratia rex Anglie [] Sciatis nos pro salute anime regis Henrici patris nostri et nostra et omnium antecessorum et successorum et heredum nostrorum concessisse et presenti carta confirmasse permutationem quam fecit Ricardus Pictauensis archidiaconus assensu et voluntate illustris regis Henrici patris nostri de canonicis secularibus qui fuerunt olim in ecclesia sancti Nectani de Hertilanda in canonicos regulares auctoritate Bartholomei Exoniensis episcopi in cuius episcopatu ecclesia ipsa sita est et assensu et voluntate Galfridi de Dynan senioris et Olueri fratris sui in quorum feodo et dominio eadem ecclesia est fundata ita quidem quod amotis de prefata ecclesia sancti Nectani de Hertilanda in perpetuum canonicis secularibus abbas ibi et canonici regulares substituantur qui secundum regulam sancti Augustini et rationabilia instituta fratrum sancti Nicholai de Arroasia ibi Deo seruiant et pro statu et tranquilitate et pace nostra et regni nostri simul et pro salute anime regis Henrici patris nostri et nostra et prefati Ricardi Pictauensis archidiaconi et omnium antecessorum et successorum nostrorum sedule Deum interpellent et concedimus et presenti carta confirmamus predictis canonicis regularibus prenominatam ecclesiam sancti Nectani ed Hertilanda cum omnibus prebendis et terris et decimis et omnibus aliis pertinentibus suis et quod liberam habeant potestatem excolendi omnes terras suas ad usus proprios aut ad censum locare sicut viderint eis magis expedire quas prefati canonici seculares tenebant antiquitus de prebendis ecclesie sancti Nectani de Hertilanda et quod nullus de posteris predictorum canonicorum secularium vel qui se fecerint heredes clamare posit sibi iuris aliquid de terris que prefatis canonicis regularibus sunt a prenominatis dominis date vel concesse scilicet ex dono Galfridi de Dynan senioris fundatoris eorum duas hydas terre apud Nectanestoke et terram de Bechaton cum ecclesia de Bechaton Concedimus etiam et confirmamus predictis canonicis regularibus relaxationem et quietantiam lx solidorum quos prefatus Galfridus de Dynan solebat habere annuatim de canonicis secularibus qui ibi prius fuerunt et de releuaminibus et omnibus secularibus seruiciis que idem Galfridus de eisdem habere consueuit et ex dono eiusdem Galfridi capellam de Welcume cum omnibus pertinentiis suis et capellam de Hertintone cum tresdecim acris terre ad eam pertinentibus et capellam sancte Wenne de Chicstowe cum terra que antiquitus apellata est Acra Sancte Wenne et cum xii aliis acris et omnes alias capellas infra parochiam eiusdem ecclesie sancti Nectani constructas cum omnibus pertinentiis et libertatibus et liberis consuetudinibus suis et ex dono eiusdem Galfridi de Dynan unam virgatam terre scilicet Gallecusham et [ex] dono Oliueri fratris predicti Galfridi assensu et voluntate Galfridi filii sui et heredis terras de Markedene et Scopeswelle quas predictus Ricardus Pictauensis archidiaconus ad opus predictorum canonicorum regularium a prefato Oliuero adquisiuit cum hominibus et omnibus aliis rebus ad eas pertinentibus ad edificandam ibi predictis canonicis regularibus ecclesiam et officinas suas ex dono Oliueri de Traci ecclesiam de Freminton cum omnibus pertinentiis suis et communi pastura et octo solidatas terre quas idem Oliuerus predictis canonicis in puram et perpetuam elemosinam deedit ex dono Willelmi de Boterell ecclesiam de Cnudstane et ecclesiam de Mollande et ecclesiam de Forbiri cum terris et decimis et piscariis et omnibus aliis pertinentibus suis Concedimus etiam et confirmamus predictis canonicis domum quandam in magno vico Exonie quam predictus Ricardus archidiaconus Pictauensis a prefato Willelmo de Boterell emit et eis dedit ex dono Hugonis Peuerell ecclesiam de Wolfareswrthe cum omnibus pertinentiis suis ex dono Ricardi Peuerell et Margarite uxoris sue assensu Roberti Espec heredis eiusdem Margarite ecclesiam de Briggeford cum omnibus pertinentiis suis et ex dono Hawise de Riduers unum ferlingum terre apud Belford cum quadam parte nemoris sui quod vocatur Warham ex dono Henrici de Parco terram illam que vocatur Mons Gocelini Concedimus etiam et confirmamus predictis abbati et canonicis regularibus ecclesie sancti Nectani de Hertlanda omnes terras et decimas et possessiones et omnia beneficia que eis data sunt sicut carte donatorum rationabiliter facte testantur vel in futurum sunt rationabiliter acquisituri Quare volumus et firmiter precipimus quod abbas predicti loci de Hertilanda et canonici regulares ibidem Deo seruientes habeant et teneant omnes predictas ecclesias siue terras et omnia prenominata tenementa et homines et seruientes suos et omnes eorum terras tenentes adeo libere et integre plenarie et quiete et honorifice sicut aliqua abbatia vel domus religiosa de terra nostra liberius et melius tenent cum soka et saka et tol et them et infangenethef et utfangenethef et cum omnibus libertatibus et liberis consuetudinibus suis et quietanciis in ecclesiis et capellis in boscho et plano in pratis et pasturis in aquis et molendinis in stangnis et viuariis in mariscis et piscariis in vineis et virgultis in viis et semitis et grangiis in portubus in ciuitatibus et villis infra burgum et extra et in omnibus aliis locis et omnibus aliis rebus liberos et solutos et quietos de sectis scirarum et hundredorum et de leth et de wapenthac et de placitis et querelis de murdro et pecunia que ad murdrum pertinet siue ad latrocinium et de scutagiis et hydagiis et de assisis et geldis et danegeldis et horngeldis et fotgeldis et de blodwita et fithwita et flithwita et leirwita et heingwita et fremenesfenda et warpeni et auerpeni et hundredpeni et teothingpeni et de operationibus castellorum et pontium et parcorum et viuariorum et stangnorum et murorum et de clausuris omnimodis et summagio et maireno cariando de armis portandis et exercitibus et summonitionibus et de thesauro ducendo et de warda tenenda de auxiliis seu donis vicecomitum et bailiuorum suorum et de omnibus aliis auxiliis et de misericordia comitatus et quietus ab omni teloneo et passagio et pontagio et stallagio et lestagio et de omni seruicio et exactione seculari et opere seruili et de omnibus occasionibus aliis et consuetudinibus secularibus et quod excepta iusicia mortis et membrorum habeant curiam suam de omnibus querelis que exorte fuerint in terris et possessionibus suis et iusticiam de eis ita quod witas suas inde capere possint Prohibemus etiam ne ipsi canonici ponantur in placitum de aliquo tenemento suo nisi coram nobis ipsis vel coram capitali iusticia nostra Hec omnia concessimus predictis canonicis nostris de Hertelanda in liberam et perpetuam elemosinam et similiter hec eadem eis concessimus et carta nostra confirmauimus dum essemus comes Moriton pro amore Dei et beati martiris Nectani cui iugiter et intente famulantur pro anima regis H[enrici] patris nostri Hiis testibus Eustachio Elyensi episcopo Stephano Ridel Simone archidiacono Wellensi Data per manum H[uberti] Cantuariensis archiepiscopi cancellarii nostri apud Pontem Audomari tercia die Iulii anno regni nostri primo