Charter Document - 05560042
| Charter Number: | 05560042 |
|---|---|
| Cartulary Title: | Original Charters of King John [Westminster] |
| Charter Language: | Latin |
| Charter Origin: | Royal |
| Charter Type(s): | Request |
| Date: | 1213 |
| Date type: | Internal, Regnal |
| Resource Link(s): |
The Magna Carta Project |
Charter:
Iohannes Dei gratia rex Anglie dominus Hibernie dux Normannie Aquitanie comes Andegauie dilectis sibi in Cristo priori et monachis ecclesie sancte Trinitatis Cant salutem Sciatis quod secundum formam mandati domini et venerabilis patris nostri Innocentii Dei gratia summi pontificis veram pacem ac plenam securitatem vobis prestamur necnon ceteris tam clericis quam laicis hoc negotium quod inter nos et ecclesiam Anglicanam versatum est contingentibus nec vos nec vestros ledemus vel ledi faciemus aut permittemus in personis vel rebus vobisque dimittimus omnem indignationem et in gratiam nostram vos recepimus et tenebimus bona fide et quod vos non impediemus nec faciemus aut permittemus aliquatenus impediri quominus libere vestrum exsequamini officium et plena iurisdictionis vestre auctoritate prout debetis utamini Et super hiis vobis iuramenta et litteras patentes fidelium nostrorum venerabilium patruum domini Henrici Dublinens archiepiscopi Petri Winton et Iohannis Norwic episcoporum et preterea duodecim baronum nostrorum scilicet Galfridi filii Petri comitis Essex iusticiarii nostri Reginaldi comitis Bolon Ranulfi comitis Cestr Willelmi Marescalli comitis Penbroc Willelmi comitis Warenn Willelmi comitis Arundell Willelmi comitis de Ferrariis Willelmi Briwere Roberti de Ros Gilleberti filii Reinfredi Rogeri de Mortuomari Petri filii Herberti fecimus exhiberi quod ipsi bona fide studebunt ut hec pax et securitas firmiter obseruetur Et si forte quod Deus auertat per nos ipsos vel alios contrauenerimus ipsi pro ecclesia contra violatores securitatis et pacis mandatis apostolicis inherebunt nos quod perpetuo ecclesiarum vacancium custodiam amittamus Et ideo vos rogamus quatinus ad nos secure et sine dilatione in Angliam venire festinetis Si quid autem in hoc scripto obmissum vel nimus plene factum fuerit cum in Angliam veneritis secundum formam mandati apostolici perficietur Et in huius rei testimonium has litteras nostras patentes vobis mittimus Testibus domino Henrico Dublin archiepiscopo Petro Winton episcopo Galfrido filio Petri comite Essex Willelmo Marescallo comite Pembroc apud Templum de Ewell xxiiii die Maii anno regni nostri quintodecimo