Charter Document - 05560039
| Charter Number: | 05560039 |
|---|---|
| Cartulary Title: | Original Charters of King John [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1207 |
| Date type: | Internal, Regnal |
| Resource Link(s): |
The Magna Carta Project |
Charter:
Iohannes Dei gratia rex Anglie dominus Hybernie dux Normannie Aquitanie et comes Andegauie archiepiscopis episcopis abbatibus comitibus baronibus iusticiis vicecomitibus prepositis ministris et omnibus balliuis et fidelibus suis salutem Sciatis nos dedisse concessisse et hac carta nostra confirmasse Ade de Hereford pro homagio et seruicio suo quatuor carrucatas terre cum pertinentiis in Coldreyn et Aderderc et Clugurgan et Faynessith et Kyltom habendas et tenendas ei et heredibus suis de nobis et heredibus nostris per seruicium dimidii militis pro omni seruitio Quare volumus et firmiter precipimus quod idem Adam et heredes sui habeant et teneant predictas quatuor carrucatas terre cum omnibus pertinenciis suis in perpetuum bene et in pace libere et quiete et integre in omnibus locis et rebus cum omnibus libertatibus et liberis consuetudinibus ad terram illam pertinentibus sicut predictum est saluis nobis et heredibus nostris in omnibus hiis que ad coronam regiam pertinent Testibus domino Iohanne Norwic Symone Mydens Dauid Waterford episcopis Meilero filio Henrici iusticiario Hybernie Iohanne Marescallo Dauid de Rupe Willelmo de Aencurt Roberto filio Martini Eustachio de Rupe Ranulfo comite Cestr Sahero comite Wynton Roberto de Veteriponte Hugone de Neuill Gaufrido de Neuill Willelmo de Canteleu Datum per manum Hugonis de Well archidiaconi Wellens apud Wudestok viii die Nouembris anno regni nostri nono