Charter Document - 05560037

[Iohan]nes Dei gratia rex Anglie dominus Hybernie dux Normannie Aquitanie et comes Andegauie archiepiscopis episcopis [abbatibus c]omitibus baronibus iusticiis vicecomitibus prepositis ministris et omnibus balliuis et fidelibus suis salutem Sciatis [nos] concessisse et presenti carta nostra confirmasse venerabili patri nostro domino Willelmo London episcopo conuentionem [facta]m inter ipsum et G abbatem et conuentum sancti Audoeni Rothomag de terris eeorume de Mersay et de [Fingringe]ho et Peyth in Anglia cum omnibus pertinentiis suis ita quod idem episcopus terras illas habeat et teneat [toto] tempore vite sue ad firmam sicut scriptum inter eundem episcopum et predictos abbatem et conuentum factum et sigillorum [eorum] appositione munitum testatur Concedimus etiam et volumus quod si predicte terre occasione aliqua in manum nostram de[uenerint] predictus episcopus terras illas bene et in pace teneat respondendo nobis de eadem firma quam predictis abbati et [conuentui] reddere debebat Volumus etiam quod quando de predicto episcopo humanitus contigerit predicte terre in manum eorundem [abbat]is et conuentus redeant sicut fuerunt die qua eas predicto episcopo ad firmam tradiderunt ita quod nullus episcopus [Londo]n post ipsum nec aliquis alius occasione illius firme prefato episcopo tradite in terras illas manum mittat [nec aliquod iu]s in eis vendicare possit Quare volumus et firmiter precipimus quod predictus episcopus habeat et teneat pre[dictas terra]s ad firmam de predictis abbate et conuentu vel de nobis si forte terre ille in manum nostram deuenerint [bene] et in pace libere et quiete integre plenarie et honorifice in omnibus locis et rebus cum omnibus libertatibus [et liber]is consuetudinibus ad terras illas pertinentibus sicut predictum est Testibus Galfrido filio Petri comite Essex [comite Rogero] Bygot Willelmo comite Sar Petro de Stok Symone de Pateshill Iacobo de Poterna Io[hanne] de Stok Datum per manum Ioscelini de Well apud Waltham xxx die Maii anno regni nostri vii