Charter Document - 05560019
| Charter Number: | 05560019 |
|---|---|
| Cartulary Title: | Original Charters of King John [Westminster] |
| Charter Language: | Latin |
| Charter Origin: | Royal |
| Charter Type(s): | Notification |
| Date: | 1202 |
| Date type: | Internal, Regnal |
| Resource Link(s): |
The Magna Carta Project |
Charter:
Iohannes Dei gratia rex Anglie dominus Hybernie dux Normannie et Aquitanie et comes Andegauie archiepiscopis episcopis abbatibus comitibus baronibus iusticiis vicecomitibus et omnibus balliuis et fidelibus suis salutem Noueritis nos pro salute anime nostre et animarum antecessorum et successorum nostrorum reddidisse et presenti carta confirmasse Deo et ecclesie Cristi Cantuar et venerabili patri nostro in Cristo Huberto eiusdem sedis archiepiscopo et successoribus suis seruicium totius feodi Willelmi de Ros unde contentio erat inter nos et antecessores nostros et ipsum archiepiscopum et predecessores suos Quare volumus et firmiter precipimus quod idem archiepiscopus et successores sui habeant et in perpetuum teneant totum seruicium cum feodo predicto bene et in pace libere et quiete integre et plenarie cum omnibus pertinentiis suis et libertatibus et liberis consuetudinibus suis Testibus Iohanne Norwic episcopo Willelmo de Rupibus senescallo Andegauie Petro de Pratell Willelmo Briw Huberto de Burg camerario nostro Garino de Glapion Petro de Stok Datum per manum nostram apud Fissam x die Ianuarii regni nostri anno tercio