Charter Document - 05560002

Iohannes Dei gratia rex Anglie dominus Hibernie dux Normannie Aquitanie et comes Andegauie archiepiscopis episcopis baronibus iusticiis vicecomitibus prepositis et omnibus bailiuis et fidelibus suis Anglie salutem Sciatis nos concessisse Deo et sancto Leonardo et sanctimonialibus de Wrokeshala omnes terras et tenuras suas rationabiliter eis datas ubicumque sint in Anglia in terris et ecclesiis et decimis et molendinis et in omnibus aliis rebus tenendas bene et in pace et honorifice et libere et quiete cum omnibus libertatibus et liberis consuetudinibus et quietanciis de siris et de hundredis et placitis et querelis occasionibus et difficultatibus et geldis et denegeldis et murdris et scuagiis et hidagiis et sectis comitatuum et hundredorum et auxiliis vicecomitum et eorundem ministrorum et visu teithingorum cum omnibus libertatibus et liberis consuetudinibus et omnibus auxiliis et querelis et seruiciis que nobis pertinent Quare volumus et firmiter precipimus quod predicte moniales de Wrocheshala omnia sua tenementa teneant in bene in pace et libere et quiete in bosco et plano et in viis et semitis in pratis et pascuis in molendinis et aquis et extra et in omnibus locis cum soca et saca et tol et team et infongentheaf cum stramtol et watertol et hamsochene et forstal et monbruche et miskeningge et missewinge et forfeg cum ferdwite et blodwite et wardwite et prohibemus ne quis eis aliquam iniuriam vel molestiam vel grauamen faciat contra libertates quas eis dedimus et concessimus Prohibemus etiam ne de aliquo tenemento quod teneant ponantur in placitum nisi coram nobis vel capitali iusticia nostra Testibus Galfrido filio Petri comite Essex comite Willelmo Marescallo Willelmo Briwer Hugone Bardulf Hugone de Neuill Willelmo de Waren Simone de Patlesh Galfrido de Bocland Simone archidiacono de Welles Iohanne de Gray Datum per manum Huberti Cant archiepiscopi cancellarii nostri apud Westm xi die Iunii anno regni nostri primo