Charter Document - 05550032

Inquisitio capta coram Johanne Wyth Coronatore domini Regis ville Oxonie Ricardo de Waleden Balliuo eiusdem Andrea de Pirye Thome de Henxeye et Radulfo de Stoke Constabularijs ville predicte secundum formam statuti Wynton die Mercurij in crastino S[ancti] Bartholomei apostoli anno regni Regis Edwardi xxxiii per sacramentum Galfredi de Henxeye Thome de Morton Gilberti de Ros Willelmi de Sancte Frideswyde Rogeri le Lacemaker Galfredi Langeford Johannis de Lenne Henrici de Abindon Tayllur Thome de Wesenham Nicholai Brutes Willelmi Wynderhout Johannis Fikeys Willelmi le Fletcher Thome de Boys Johannis Scot Ricardi le Cha Thome de Walton Adam de Padenhall Willelmi le Barber Nicholai de Radinge Johannis le Beste Walteri de Sancto Aldato et Rogeri le Sherman Juratorum ad inquirendum qui malefactores et pads perturbatores ostium Edithe de Denyses in parochia S[ancti] Aldati die Martis in festo S[ancti] Bartholomei Apostoli anno regni regis Edwardi xxxiii in crepusculo noctis cum pedibus suis aperuerunt et etiam qui malefactores et pacis perturbatores domum ipsius Edithe intrauerunt eadem nocte et quandam cistam ibidem inuentam fregerunt et bona et catalla in eadem cista inuenta videlicet ii mappas et ii manutergia et ix solidos argenti numerati ut ipsa Editha dicit ceperunt et asportauerunt et vnum forserum similiter fregerunt sicut eadem Editha dicit Et omnes predicti Jurati dicunt super sacramentum suum quod die Martis supradicto contra horam vespertinam predicta Editha dixit vicinis suis quod quidam clerici quarum nomina non nominauit minabantur ei de corpore suo ita quod ipsa non fuit ausa iacere illa nocte in domo sua propter quod ipsa cepit omnes pannos suos lineos et laneos et omnia alia bona sua et exinde asportauit et postea iuit ad domum ipsius Seuy aurifabri et ibidem morabatur per totam noctem et dicunt vlterius quod postquam ipsa exiuit a domo sua venerunt viii clerici de lusu suo de Coumede versus hospitia sua vnus eorum venit ad ostium predicte Edithe et cum manu sua percussit dictum ostium et cum illud sic aperire non potuerit retraxit se paululum et cepit cursum suum et percussit dictum ostium cum pede suo ita quod aperuit sed dicunt super sacramentum suum quod omnino ignorant omnia nomina eorum preterea dicunt quod si aliquod damnum habuit vel si qua cista fracta fuit vel aliquod forserum fractum fuit vel aliqua bona aut catalla asportata fuerunt a dicta domo quod nesciunt aliquem inde culpabilem nisi sectatores suos et requisiti qui sunt illi sectatores dicunt super sacramentum suum quod nullum eorum sciunt nominare et quod nesciunt aliquem inde culpabilem nisi seipsam In cuius rei testimonium predicti Jurati huic Inquisitioni sigilla sua apposuerunt