Charter Document - 05550031
| Charter Number: | 05550031 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquisition |
| Date: | 1300 |
| Date type: | Internal, Feast, Regnal |
| Resource Link(s): |
|
Charter:
In eodem fasciculo Inquisitio capta die Martis in festo Apostolorum Petri et Pauli anno regni regis Edwardi filij Regis Henrici xxviii coram Balliuis et Constabularijs ville Oxon per sacramentum Johannis le Longe Saucer Johannis de Norton Ricardi de Carsington Johannis de Abyndon coci Walteri le Ker Rogeri de Wallingford Roberti le Mareschall Johannis le Webb Carnificis Johannis le Tayllor Thome le parmenter Jop le Parmenter Thome de Boleworth Walteri le Wolf Walteri le Wyse Johannis le Huacher Johannis Beneyt senioris Roberti le Quenynton Juratorum ad inquirendum super sacramentum suum qui malefactores et pacis perturbatores die Lune precedente nectantur circa mediam noctem in Vigilatores custodientes vigilias apud Quadriuium Oxonie secundum formam statuti Wynton insultum fecerunt et ipsos verberauerunt et arma eorum abstulerunt et asportauerunt et quendam clericum nomine Walterum de Clifton per dictos vigilatores prius attachiatum eo quod noctanter iuit cum armis contra formam statuti predicti a manibus predictorum vigilatorum cum gladijs et boclearijs et cultellis et aliis diuersis armis rescusserunt Qui Jurati dicunt super sacramentum suum quod vbi vigilatores predicti vigilarunt in quadriuio predicto venit predictus Walterus transiens per eos et ipsi querebant ab eo quis esset et vbi vellet ire qui respondit quod venit de hospitio quorundam clericorum et ibi voluit redire et ipsi statim attachearunt eum eo quod iuit cum armis tempore nocturno et dicebant quod voluerunt conducere eum ad locum quo vellet ire et in conducendo eum superuenit Radulfus de Schraffeld clericus et quidam alius clericus nomine Thome de Tykehulle et plures alij quorum nomina ignorantur cum gladiis et bocleariis et cultellis et aliis armis et insultauerunt predictos vigilatores et quosdam ex eis prostrauerunt ad terram et arma eorum abstulerunt et predictum Walterum attachiatum ab eis rescusserunt per quod ipse euasit et sic predicti vigilatores statim leuauerunt ut esium supra predictos Radulfum Thomam et alios et sic cum ut esio persequebantur eos de loco ad locum quousque predicti Radulfus et Thomas attachiati fuerunt et omnes alii fugerunt ita quod attachiari non potuerunt In cuius rei testimonium predicti Jurati sigilla sua huic inquisitioni apposuerunt
Source (click image below to view full size)
