Charter Document - 05550029
| Charter Number: | 05550029 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1322 |
| Date type: | Internal, Feast |
| Resource Link(s): |
|
Charter:
In Rotulo officij Thome de Graundpound Coronatoris Oxonie cuius rotuli fit mentio superius Contigit die dominica in crastino Apostolorum Petri et Pauli anno supradicto quod Gilbertus de Crofton clericus mortuus fuit in suburbio Oxonie in parochia de Halywelle et eodem die venerunt coronatores predicti et personaliter eum viderunt et de morte predicti Gilberti statim inquisitionem ceperunt de iv proximis parochijs videlicet per sacramentum Roberti de Streton Walteri de Kyllum Constantini de Norham Willelmi Buffard de parochia S[ancti] Crucis Ricardi le tapermaker Johannis le Bouyer Henrici de Lychesfeld Petri de Schespham de parochia omnium Sanctorum Thome Auerham Willelmi de Milton Ricardi de Roulesham de parochia B[eati] Petri in Oriente Walteri de Arderne Stephani de Abindon et Willelmi Pykes de parochia B[eate] Marie qui dicunt per sacramentum suum quod die Martis proximo precedente erat maximus conflictus hora vespertina inter clericos de partibus Borealibus et clericos de partibus occidentalibus infra portam Borealem ville Oxonie et in illo conflictu venit Stephanus de Caperugge et vulnerauit Gilbertum de Crofton cum vno misericorde retro in dorso usque ad cor et dictus Gilbertus sic vulneratus iuit apud Smythgate et venit ibidem Rogerus le Norden et sagittauit dictum Gilbertum cum vna sagitta in capite profunditatis usque ad cerebrum et sic eum interfecerunt Item dicunt quod predictus Gilbertus habuit iura sua ecclesiastica propter quod nullus fuerat inuentor eiusdem Item dicunt quod de bonis predictorum malefactorum nihil sciunt nec de receptatoribus eorundem
Source (click image below to view full size)
