Charter Document - 05550021
| Charter Number: | 05550021 |
|---|---|
| Cartulary Title: | Oxford City Documents |
| Charter Language: | Latin |
| Charter Origin: | Lay |
| Charter Type(s): | Inquest |
| Date: | 1314 |
| Date type: | Internal, Feast |
| Resource Link(s): |
|
Charter:
Ibidem Contigit die Sabbati proximo post festum inuentionis S[ancti] Crucis anno supradicto quod Hugo de Bourton inuenit Dauid de Kirkby mortuum in venella quae vocatur Gropelane in villa Oxoniae et super dictum mortuum leuauit Hutesium ac statim venerunt dicti coronatores et viderunt personaliter dictum Dauid mortuum et statim de morte eiusdem ceperunt inquisitionem per sacramentum Roberti de Dryhull Roberti Capuli [] qui dicunt per sacramentum eorum quod die Sabbati praedicto citopost horam nonam clerici de partibus Borealibus ex vna parte et Clerici de partibus occidentalibus et Australibus ex altera venerunt et congregauerunt se in vico S[ancti] Johannis et in venella quae vocatur Gropelane cum arcubus sagittis gladijs bokelarijs et alijs armis diuersis et ibidem adinuicem pugnauerunt et in illo conflictu venit Johannes de Benton in dicta venella cum vno fauchon et dedit predicto Dauid vnam plagam retro in capite ad longitudinem VI pollicum et profunditatis usque ad cerebrum Item dicunt quod Willelmus de la Hyde venit eodem tempore et percussit dictum Dauid cum vno gladio ex transuerso genu et tibia dextra Item dicunt quod Willelmus de Astele venit eodem tempore et percussit dictum Dauid sub brachio sinistro cum vno miserecorde sic eum interfecerunt Item dicunt quod de bonis predictorum malefactorum nec de receptatoribus eorundem nihil sciunt Plegii inuentoris Nigellus de Huthinson Warinus de Padekebrocke
Source (click image below to view full size)
